افضل 5 هدايا تكنولوجيه لعيد الحب 2020
جايبلكم النهارده موضوع هينقذ اغلب الرجاله من انه ينسي هديه الفالنتين 2020 ،افكار هدايا عيد الحب الفلانتين داي للرجاله و للبنات جديدة ومميزة عندنا وبس في مدونه اركان المعلومات عشان انتو غاليين علينا بس ، وهيكون عندنا في الموضوع ده برده افكار جديده للناس المتجوزه و المخطوبه ، وفي اليوم الجميل ده من كل سنه طبعا كل واحده بيجيب لشريك حياته او حبيبه هديه يعبر فيها عن حبه ليه ، وطبعا هي نفس حيره كل سنه انا جبت الهديه دي قبل كده ، عشان كده هنقولكو في مدونه اركان المعلومات شويه افكار يارب تعجبكو .
وطبعا يا جماعه بعيدا عن الهزار :
الهديه مش بتمنها خالص بالعكس اد ايه لما بتكون هديه بسيطه بتكون جميله بس بشرط يكون عندك علم الشخص اللي هيجيله الهديه بيحب ايه عشان تبقي هديه في محلها ..... واكيد هتعجبه لان كفايه انك افتكرت اليوم ......
 | ||
| هديه الفالنتين 2020 افكار جديده للمصممين و التكنولوجيين |
وطبعا حابب افكركو ان مش كل الهدايا بتكون للحبيب لا بالعكس ممكن تعمل هديه لاختك او لاي حد من قرايبك .
في افكار كتير جدا ممكن تتعمل منها :
- دبدوب صغير يكون لونه احمر وحلو وممكن يكون مكتوب عليه i love u .
- سلسله صغيره فضه بيكون سعرها مش غالي والبنات بيحبوها جدا .
- في حلق صغير علي شكل قلب جميل جدا و سعره في المتناول .
- جيفت بوكس صغير فيه شويه اكسسوارات .
- وممكن بدل الاكسسوارات يكون فيه شويه مكياجات .
- انسيال فضه فيه قلب صغير لونه احمر .
- فرشاه اسنان بس مش العاديه طبعا هنجيب الكهربائيه بتكون في حدود 150 ج .
- بوكس شيكولاتات ومعاه ورده لونها احمر .
- نهتم جدا بالناس اللي بتحب تلبس ساعات بيحبوها جدا وبيفرحو بيها اوي .
- الروائح الهاي كوبي بتكون هديه جميله وممكن تتلف ب تل احمر فقط .
- في عروض بتتعمل علي الشنط و الاحذيه في الفتره دي ممكن تجيب شنطه و بلارينا نفس اللون .
وعشان احنا اتكلمنا عن الناس التكنولوجيين تعالو نقول افكار ليهم :
افكار هدايا للناس اللي عندها قنوات يوتيوب و مدونات او بيشتغلو عالكمبيوترات فتره طويله :
- ممكن مايك وايرليس بيكون سعره في حدود 150 ج .
- ممكن ماوس وايرلس و معاه كيبورد سعره تقريبا 200 ج .
- كاميرا ويب جودتها كويسه سعرها 250 ج تقريبا .
- شنطه لابتوب ماركه سعرها تقريبا 200 ج .
- عدسه لتوسيع الكاميرا 90 ج تقريبا .
- كرسي مكتب طبي بيكون سعره 900 ج تقريبا .
- حامل موبايل للسياره سعره 90 ج تقريبا .
طبعا دي بعض الافكار لكن في افكار كتير جدا ولو حابين تزودو افكار مستني افكاركو في التعليقات .........
وممكن نحدد بعض الافكار للرجاله عموما وهي :
افكار هدايا عيد الحب 2020 للرجاله :
- اهتمو بأدوات الحلاقه هديه جديده ومهمه و مفيده وسعرها مش غالي 500 ج تقريبا
- لو بيلبس بدل كتير او مهتم بيها ممكن تكون الهديه عباره عن كرافته مثلا .
- في فكره جديده وحلوه اوي انا عن نفسي بحبها وهي حجز ميعاد سبا و مساج رجالي هديه جامده جدا .
- طقم رياضي او كوتش رياضي .
- محفظه جلد طبيعي .
- ساعه اهتمو يا جماعه بالناس اللي بتلبس ساعات .
- بارفان هاي كوبي .
- شنطه يد اللي بيتحط فيها الموبايل و الاكسسوارات و الفلوس .
- قلم ماركه .
- جراب نضاره ماركه .
- ممكن اي اكسسوار للعربيه مثل شاحن او فواحه او ميداليه فضه بماركه العربيه .
افكار هدايا المخطوبين الله يكون في عونهم :
- افضل من الهدايا هو حجز ترابيزه عشاء لفردين في مكان راقي ( مجربه ) .
- انا شايف ان بعد ما تكون خلصت الحاجات الحلوه اللي قلناها فوق الحل ده هيكون حل جديد وهيعجبك جدا .
وطبعا في النهايه احب اقولكو ان الهدايا اللي اتكلمنا عنها هي مجرد افكار وبتختلف الهديه علي حسب الذوق لكن اهم حاجه انك تكون عارف الشخص اللي قدامك بيفكر ازاي وبيحب ايه وبيكره ايه وبعد كده اي حاجه هتجبها هتعجبه لان انت كده بتفكر بنفس تفكيره
صور الافكار :
